Во публикацијата се пренесени наодите од истражувањето спроведено како резултат на потпишан меморандум за соработка на МППС со Министерство за информатичко општество и администрација на Република Македонија.
Квалитетот на јавната администрација најмногу се гледа преку директниот контакт со граѓаните, односно услугите кои таа им ги нуди на граѓаните.
Моментално, државата обезбедува околу 150 јавни услуги кон граѓаните.
Според Извештајот на Народниот правобранител за 2016 година:
„втори по бројност се претставките што се однесуваат на работата на органот надлежен за матичната евиденција на граѓаните - Управата за водење на матичните книги, особено Одделението што ги покрива матичните подрачја за град Скопје и неговите општини“.
Ова го исфрла на површина фактот дека граѓаните се соочуваат со проблеми во однос на сервисите кои ги нудат институциите во делот на издавање потврди, уверенија и изводи од матичните книги. Токму затоа ова истражување се фокусира на услугите генерално, но особено ги нагласува услугите од Управата за водење на матичните книги (УВМК)
Публикацијата можете да ја превземете или погледнете на линковите подолу:
ПРЕДИЗВИЦИ И ПРОБЛЕМИ НА ГРАЃАНИТЕ ПРИ КОРИСТЕЊЕТО НА УСЛУГИТЕ ОД ЈАВНАТА АДМИНИСТРАЦИЈА.
CHALLENGES AND PROBLEMS OF CITIZENS AT USING THE SERVICES OF THE PUBLIC ADMINISTRATION.
