Во периодот од 26-ти февруари до 4-ти март, МППС организира обука за претставници на граѓанскиот сектор кои што работат во полето на социјална инклузија. На обуката ќе присуствуваат 30 учесници, од 10 земји од ЕУ и соседите, а целта е зајакнување на вештините за работа со социјално исклучени млади.

Проектот е подржан од програмата Erasmus+ на Европската Унија, финансиран од Националната агенција за Европско образование и мобилност на Република Македонија.

Покрај главниот организатор, МППС, во обуката се вклучени и други 9 организации од Србија, Турција, Унгарија, Словачка, Австрија, Естонија, Бугарија, Полска и Грузија, кои користејќи ги методологијата и искуството на МППС и финанската помош од ЕУ, помагаат да се намали бројот на социјално исклучени млади во нивните држави.

Обуката ќе се одржи во Виница, поради големата социјална исклученост на младите во Источниот регион, што води до трајно иселување на цели генерации.